Бројот на жртвите по нападот досега се искачи на 50, со речиси 100 повредени лица, велат од канцеларијата на локалниот гувернер, пишува Би-Би-Си
Бомбашкиот напад беше извршен за време на свадбена веселба. Меѓу жртвите има жени и деца.
Турскиот вицепремиер Мехмет Шимшек изјави дека експлозијата во Газиантепе, што се наоѓа во близина на границата со Сирија, веројатно е дело на атентатор самоубиец.
Турскиот претседател Реџеп Тајип Ердоган утринава изјави дека групата Исламска држава најверојатно е наредбодателот на синоќешниот напад.
Засега ниту една терористичка организација не ја презеде одговорноста за крвавиот терористички акт.