Обиколницата и во 2009 го поплави Стајковци, но надлежните не реагираа

Иако од УХМР убедуваа дека невремето од 6 август се случувало еднаш на илјада години, сепак, поплавите во скопско Стајковци предизвикани од обиколницата се случувале и претходно.

Како што може да се види од архивата на Тајм.мк, А1 телевизија во два наврати во 2009 известувала дека Стајковци се поплавувало од обиколницата.

Скоро еден месец по оваа вест, обиколницата и официјално беше пуштена во употреба, а на сечењето лента беше и тогашниот премиер Никола Груевски и тогашниот министер за транспорт и врски Миле Јанакиески.

И на само два дена по пуштањето во употреба, повторно поплавени домови во Стајковци.

Сепак, тогашните поплави не биле доволен аларм кај надлежните да преземат мерки за да се спречи поголема катастрофа, каква што за жал се случи на почетокот на овој месец. Функционерите во повеќе наврати изјавија дека не чувстуваат одговорност и дека штетите не можеле да се спречат.