Хан пристигна во Пржино: Се надевам дека денот ќе биде добар

Еврокомесарот за проширување и за соседска политика, Јоханес Хан, пристигна во резиденцијата на Европската унија во Пржино. Тој не сакаше да даде изјава за медиумите, само кусо рече дека се надева дека денот ќе биде добар.

– Моментално немам што да изјавам, можам само да ви кажам дека се надевам дека денот ќе биде добар – рече Хан.

Веднаш по Хан, пристигна и делегацијата на СДСМ, во која се лидерот Зоран Заев, потпретседателката Радмила Шекеринска и Оливер Спасовски.

По СДСМ, средба со Хан во 11.30 часот ќе имаат претставниците на ВМРО-ДПМНЕ.

Претходно Хан, на својот твитер-профил објави дека е на пат кон Македонија.

„На пат кон Македонија, каде што ќе се сретнам со лидерите на четирите најголеми политички партии. Уште еднаш ќе ја потенцирам одговорноста на сите политички лидери да се имплементираат политичкиот договор и реформските приоритети, во интерес на граѓаните“, сподели Хан на својот твитер-профил.

On my way to former Yugoslav Republic of #Macedonia where I will meet leaders of 4 main parties: https://t.co/Jdsj90Bjpt 1/2

— Johannes Hahn (@JHahnEU) January 15, 2016

I will stress responsibility of all political leaders to implement political agreement & reform priorities, in the citizens’ interest 2/2 — Johannes Hahn (@JHahnEU) January 15, 2016

Мета