„Мнозинството граѓани на вчерашните парламентарни избори гласаше за промени. Таквата волја на граѓаните стана евидентна и покрај бројните примери на притисоци, заплашување и купување гласови“, соопштија од СДСМ.
„Согласно резултатите од аналитичкиот центар на партијата, бројот на освоени мандати на СДСМ е 51, додека ВМРО-ДПМНЕ освои исто така 51 мандат.
Шпекулациите со изборните резултати кои ги прави Собранието на РМ на својата веб страна е спротивно на закон. Собранието нема никава улога во изборниот процес“, стои во соопштението на СДСМ испратено рано утрово.