Премиерот Зоран Заев најави тужба, откако „Информакс“ ја објави првата страница од записникот од исказот на Орце Камчев за случајот „Рекет“, кој го дал во Обвинителството за организиран криминал и корупција.
-Ја повикувам јавната обвинителка да ја потврди веродостојноста на записникот. Не е точно. Отфрлав секаква поврзаност со Боки 13 поврзана со случајот „Рекет“. Обврска на Обвинителството е да каже дали тоа е така кажано. Објавена е една страна од записникот, а потоа е прераскажувано. Доколку новинарите прават манипулации, има одговорност. Ги повкувам Ременска, Шекеринска и Димитров заедно со мене да поднесат тужба, за да се потврди дека се лаже. Рускоска да кажe дали се точни наодите или не, дали тоа е лага или не. Но, во секој случај, јас како граѓанин ќе го тужам новинарот кој тоа го направил, рече денеска премиерот Заев.
Тој кажа дека не верува дека некој од високите функционери на СДСМ е вмешан во случајот, но доколку се докаже било чија инволвираност, мора да одговара.
Прилеп добива еко автобуси за јавен превоз
Posted by Сител Телевизија on Сабота, 24 август 2019