Обвинителката Вилма Русковска се спротивстави на исказите на обвинетиот Бојан Јовановски и на неговиот адвокат Дуковски според кои Јовановски не сум во свесна состојба и не може да го следи судењето.
Според Русковска станува збор за обид за одолговлекување на потапката. Таа тоа го потврди повикувајќи се на лекарската документација издадена од болницата „8 Септември“.
– Бидејќи лекарите утврдиле дека е во добра здравствена состојба и јас верувам во тоа. Ниту еден лекар не би си ја ризикувал кариерата и сметам дека на овој начин само се парви обид да се одолговлечува постапката – рече Русковска.
Судијката истакна дека во судот има медицинска екипа која најпрвин ќе го прегледа обвинетиот, по што ќе се одлучи дали судењето ќе продолжи.