Ви пренесуваме дел од колумната на Сашо Орданоски за Цивил Медиа:
Image may be NSFW.
Clik here to view.
Ја гледам, од страна, јавнава дебата за Предлог-законот за Јавно обвинителство и две работи никако не ми влегуваат во глава…
Прво, во целата таа расправа, од експертската професорска правна фела, и во оваа прилика повторно се поканети САМО (се извинувам ако имало еден-два исклучоци што не сум ги забележал) угледните правни дејци од Правниот факултет на УКИМ. Во држава со 20 и кусур (!) постоечки правни факултети, си остана социјалистичката традиција негувана со децении наназад САМО државниот Правен факултет од Скопје да е, ексклузивно, „надлежен“ да ни ја толкува правната стварност и секоја точка и запирка во законите кои важат за целата македонска држава.
Тоа се истите луѓе кои тие закони ги пишуваат, ги толкуваат, како министри ги спроведуваат, а потоа се расправаат на долго и широко – меѓу себе, се разбира – зошто се нивните закони недоволно добри, па мораат да ги менуваат. Истите тие луѓе се главните домашни експерти ангажирани во владини и невладини, често странски проекти за сите можни аспекти на реформите во правосудството и седат во сите можни тела за акредитации, верификации и регулации на секој правен „прдеж“ што ќе се испушти во земјава.
Дури и кога некој од тоа респектабилно професорско „врело“ ќе замине во пензија, „светата мисија“ на исправањето на „кривите – правни – Дрини“ во државава ја преземаат или нивните некогашни асистенти, а не ретко и нивните синови и ќерки. За никако да не престане правниот „крвоток“ од светата „наследна“ линија на Правниот факултет во Скопје.
Целата колумна на Цивил Медиа на следниот линк.