И денеска стотици граѓани се собраа пред Уставниот суд, револтирани од вчерашната одлука на судот со која на претседателот му се овозможува да помилува осудени за изборни нерегуларности. Граѓаните со јајца фрлаат по зградата на Уставниот суд.
Уставниот суд застана во одбрана на криминалците од власта кои местеле избори. Во рекордно брзо време ја разгледа и ја прифати иницијативата за преиспитување на уставноста на измените на Законот за помилување, поточно за забраната Претседателот на државата да помилува лица осудени за изборни нерегуларности.
Со ова, ВМРО-ДПМНЕ уште еднаш покажа дека за нив правниот систем е само алатка која им служи за заштита од правдата, а не за нејзино спроведување.
Ние граѓаните нема да дозволиме крадците на нашите животи, преку партиски узурпираниот Уставен суд да си ги спасат своите злосторничко-криминални „кожи“ од издржување на заслужените затворски казни.
Нема да дозволиме повторно да си поигруваат со државните институции како да се нивен личен имот или партиски огранок.
Во Македонија мора да се врати правдата, почитувањето на законите и пред сѐ, почитувањето на Уставот.
фото: Фејсбук