Паричникот од луксузниот моден бренд ,,Луј Витон” кој вчера за време на ТВ дебатата Христијан Мицкоски сакаше да му го подари на екс премиерот Зоран Заев, секако доколку е оригинал, не е купен од Македонија, бидејќи во нашата земја официјално, продавници на Витон нема, пренесе Фокус.
Истиот модел, како што е наведено на официјалната страница на ,,Луј Витон” може да се купи во Будимпешта, Унгарија, каде што го има на лагер во моментот. Цената му е 440 долари.
Будимпешта е најблиската локација каде што се продава паричникот, а на други локации во регионот се продава во Атина, соседна Грција и во Италија, и тоа во овластените продавници на модниот гигант во Рим, Бари, Непал и на островот Капри. Во соседна Србија, Бугарија, Хрватска… го нема на продажба.
Веднаш по објавата „Економски Лидер“ се огласи дека дознава оти паричникот чини 200 денари и е купен од Бит пазар. Ова порталот го дознава повикувајќи се на ВМРО-ДПМНЕ.
Доколку пак станува збор за фалсификат на познатиот бренд, познато е дека токму ташните и паричниците на ,,Луј Витон” се едни од најкопираните во светот.
Продажбата на фалсификуваната роба е доста актуелна насекаде, и покрај тоа што е кривично дело.
Според Европскиот Потрошувачки Центар, во различни земји владеат различни казни за фалсификување, но и за купување на фалсификувана роба.
Во некои земји запленетата фалсификувана роба само се уништува, додека пак во Белгија ако некој е затекнат со фалсификат, може да плати казна од 500 до 100.000 евра.
…