ГАЛЕРИЈА: Целосни анонимуси –кои се новите министри на ДУИ

ДУИ соопшти дека партискиот лидер Али Ахмети, во согласност со едногласната одлука на централното претседателство на партијата, одлучил да предложи кандидати за свои претставници во извршната власт.

Тие треба да бидат избрани за министри од Собранието, но сепак, имињата во продолжение се целосно непознати за пошироката јавност, односно се целосни анонимуси. Од партијата ги соопштија само имињата, без да дадат никакви податоци за нив, ниту за нивната биографија, претходно работно место итн.

Дополнето (13:47): Весникот Лајм објави податоци за нивното досегашно искуство. Податоците се додадени под нивните имиња.

Новинарот Мухамед Зеќири ги нарече нови деца-послушници за една употреба.

– Ваквите евтини трикови нема да поминат кај албанците, и воопшто, во македонската јавност – вели тој.

Порталот Тетова1 објави фотографии од новите министри и заменици:

1. Фестим Халили: министер без ресор (вицепремиер задолжен за европски прашања)

Фестим Халили е универзитетски професор во Државниот Факултет во Тетово, именуван е како министер без ресор (вицепремиер задолжен за спроведување на Рамковниот Договор) доаѓа на местото на Муса Џафери.

2. Арбер Адеми: министер без ресор (вицепремиер задолжен за спроведување на Рамковниот Договор)

3. Валдет Џафери: министер за правда

4. Пиштар Лутфиу: министер за образование и наука

5. Дритон Кучи: министер за економија

Универзитетскиот професор во Државниот универзитет во Тетово, Дритон Кучи е новиот заменик министер за економија. Тој ќе го замени досегашниот заменик министер, Беким Незири.

6. Башким Ахмети: министер за животна средина и просторно планирање

7. Шухрете Елези: министер за локална самоуправа

Елези доаѓа на местото на досегашниот министер за локална самоуправа, таа е единствена жена од сите предложени нови министри на ДУИ. Таа доаѓа од Гостивар и ќе го замени досегашниот министер Лирим Шабани, а таа досега била одговорна во одделот за финанси во општина Гостивар.

8. Арлинд Зеќири: министер без ресор (задолжен за странски инвестиции)

9. Беким Максути: заменик министер за одбрана.

Универзитетски Професор Беким Максути, ќе биде новиот заменик министер за одбрана. Тој ќе го замени досегашниот заменик министер, Илми Селмани.

10. Агим Нухиу: заменик министер за внатрешни работи

11. Фатон Положани: заменик министер во Министерство за транспорт и врски

Положани доаѓа од Струга, и ќе го замени досегашниот министер за транспот и врски, Ниметула Халими.

12. Гзим Беадини: заменик министер во Министерство за финансии

Гзим Беадини ќе го замени досегашниот заменик министер во Министерство за финанси, Ардиан Џеладиани. Беадини е вработен во Министерството за Образование.