И денеска протести на Шарената револуција во повеќе градови. Најмасовен во Скопје, каде повторно беше обоена Триумфалната порта а беше положено цвеќе на споменикот на паднатите борци во Жена парк.
Во продолжение погледнете низ фотографии и видеа како протекоа денешните протести.
18:41 ГАЛЕРИЈА: Антифашистичката борба продолжува – почна новиот протест на Шарената револуција
И денеска во 18 часот пред СЈО започнаа да се собираат граѓани за новиот протест на Шарената револуција, денеска во знакот на антифашистичката борба. Пред СЈО се слуша песната „Во борба“.
![CiB1EpMVAAE8a4r[1]](http://libertas.mk/wp-content/uploads/2016/05/CiB1EpMVAAE8a4r1.jpg)
Фото – Твитер
18:52 ГАЛЕРИЈА+ВИДЕО: Тргна Антифашистичкиот марш на Шарената револуција
Пред малку од пред СЈО тргна денешниот Антифашистичкиот марш на Шарената револуција.
И денеска во 18 часот пред СЈО започнаа да се собираат граѓани за новиот протест на Шарената револуција, денеска во знакот на антифашистичката борба. Пред СЈО се слушаше песната „Во борба“.
#ШаренатаРеволуција од #СЈО се упати кон Собрание #протестирам pic.twitter.com/cp9H3hLGsC
— META.mk (@meta_agency) May 9, 2016
Фото – Твитер
19:23 ГАЛЕРИЈА: Нова боја за Триумфалната порта од Шарената револуција
Шарената револуција повторно ја обои Триумфалната порта, односно ја освежи со нови бои. Погледнете како изгледа сега.
Фото – Твитер
19:27 ФОТО: Протест на Шарената револуција во Кавадарци
Денеска Шарената револуција одржува протест и во Кавадарци.
Фото – Фејсбук/Твитер
19:38 ГАЛЕРИЈА: Шарената Револуција во Жена парк, положено цвеќе на споменикот на паднатите борци
Шарената револуција оддаде почит и положи цвеќе на споменикот на паднатите борци во Жена парк во знак на почит за Денот на победата над фашизмот.
Фото – Твитер
19:56 ГАЛЕРИЈА: Огромна банкнота со ликот на градоначалникот на Крива Паланка, Арсенчо Алексовски
На денешниот протест на Шарената револуција во Крива Паланка беше презентирана и нова лажна банкнота од 15 милиони евра со ликот на градоначалникот на Крива Паланка, Арсенчо Алексовски, слично како што беше случај со битолскиот градоначалник.
Фото – Фејсбук
20:16 ГАЛЕРИЈА: Протест на Шарената револуција во Штип
Денеска Шарената револуција излезе на протест и во Штип. Граѓаните протестираат против одлуката на Иванов за помилување на политичарите, но и за да го изразат незадоволството од власта, и да побараат оставки и правда.
20:51 ГАЛЕРИЈА: No pasaran! Битола повторно на протест од Шарената револуција
Битолчани и вечерва излегоа на протест како дел од Шарената револуција.
Фото – Фејсбук
21:03 ГАЛЕРИЈА: За прв пат протест на Шарената револуција во Берово – Затвор за криминалци!
Денеска за прв пат и Берово се приклучи на Шарената револуција со протест на кој можеа да се прочитаат транспарентите „Затвор за криминалци!“ и „Нема правда, нема мир“. Погледнете фотографии од протестот.
Фото – Берово инфо/Фб
21:12 ГАЛЕРИЈА: Масовен протест, Струмица порача – Смрт на фашизмот, слобода на народот!
Низ фотографиите во продолжение погледнете како помина вечерашниот масовен протест на Шарената револуција во Струмица со пораката – Смрт на фашизмот, слобода на народот!
21:18 ГАЛЕРИЈА: Велес по 11-ти пат на протест, избоени постерите на Груевски и Иванов
Велес по 11-ти пат излезе на протест по одлуката на Иванов за помилување на политичарите. Денешниот протест беше целосно во духот на Шарената револуција, вклучувајќи го банерот, шарените балони и боењето на постерите од Ѓорѓе Иванов и Никола Груевски.
Протестот започна од пред кружниот тек кај Авона. Демонстрантите се движеа улицата Благој Ѓорев, покрај кафе баровите во Велес. Протестот заврши на плоштадот С’рмаале. Тука беа повторно прочитани седумте барања на граѓанското движење Протестирам.
Пред штабот на Вмро-Дпмне имаше контрапротестанти од ГДОМ. Имаше кордон од десетина полицајци помеѓу двете групи кои беа на раздалеченост од пеесетина метри.
Протестите во Велес продолжуваат и утре.
21:42 ГАЛЕРИЈА: Протест на Шарената револуција во Прилеп со цвеќе, балони и гулаби
Денешниот протест во Прилеп на Шарената револуција заврши пред Участакот, каде им се оддаде почит на загинатите борци од НОБ и загинатите полицајци од „Диво насеље“. Граѓаните положија цвеќе, а во знак на победата над фашизмот се пуштија бели гулаби и балони во боите на #ШаренаРеволуција и #Протестирам.
