Амбасадорите на ЕУ и САД, Аиво Орав и Џес Бејли одржаа поединечни средби меѓу претставниците од партиите потписнички на договорот од Пржино, пренесе А1он.
– Имавме средба со партиите како и претходните денови. Се надеваме дека ќе има напредок во деновите што следат, рече амбасадорот на САД, Џес Бејли.
На поединечни средби отидоа Радмила Шекеринска од СДСМ, Никола Тодоров од ВМРО-ДПМНЕ, а од ДУИ Артан Груби, додека ДПА решија да не присуствуваат.
– Имаме блиски средби и разговори со партиите, се надевам дека за брзо ќе постигнеме договор, рече амбасадорот на ЕУ, Аиво Орав.
Со средбите, амбасадорите имаат цел подоцна да се случи лидерска средба, а неофицијално, постои можност партиски претставници повторно да седнат на иста маса до крајот на денот.
Видео –А1он